Author: r***t
Date:
Review: بقول رأيي بكل صراحة ، يمكن الكلام يكون طويل و مفصل بس اهم شي افيدكم من تجربتي لهذي الكاميرا ، اول شي تركيبها سهل جدا و تعلمته من اليوتيوب ، لها طريقة معينة لاخفاء السلك (ايضا) تعلمته من اليوتيوب ، تتركب على ولاعة السيارة ، الداش كام عموما تصويرها واضح خصوصا لو كان الشي قريب تصوره بوضوح و لوحات السيارات واضحة مع الارقام ، تركبيها چنة لعبة بازل اهم شي تكونون فاضيين و انتوا تركبونها عشان تركب معاكم عدل ، لها برنامج فيه GPS تلقائي ، ما تشتغل الكاميراا على التلفون الا اذا شبكتوا عليها (واي فاي) ، والتسجيلات ماتطلع الا وانتوا شابكين عليها يعني لو نزلتوا من السيارة او فصلتوا الاتصال منها ماراح يطلع لكم تصويرها ،، بالاعدادات تقدرون تحددون كل الخواص اللي تبونها (عموما الكاميرا جيدة جداً و خصوصاً لو كنتوا تدورون شي رخيص و كواليتي حلو ) + للأمانة الكاميرا الخلفية ما اشتغلت معاي و ما عرفت السبب الى الان ،، اهم شي اقروا ( الكتيّب ) او >> الورقة الي تكون بالعلبة الي فيها التعليمات .. وشكراااً
顏色: 黑色
